St. Gerlachus waor eine ridder, dae de letste laeves jaore sober gelaef haet
En dae nao 't plotseling sjterve van zien vrouw, zig hiel vaal haet gebaed
Hae ging baewaeg nao Roame, en deeg van alle aardse bezittinge afsjtaand
Auch eder waek te voot nao St. Servaos, daomet houwer eine hechte baand
In Houthem laefde hae sober en Godsvruchtig, in ein haol eik wie me zaet
In de kerk zuut me moersjilderinge, die eine kunstenaer gemaak haet
In die sjilderieje is de laeveslaup van Gerlachus oetgebeeld ongeluiflek sjoan
En de plafon, ig num 't den hemel, sjpint met zien sjilder werk de kroan
Wat Houthem oug nog haet, kort bie, hoag oet vief menuute laupe der heen
Dan beste in Geulhem, en kinste in de Geulemerberg, grotwoninge zeen
Aug haet Houthem onderdaak gegaeve aan Bush den prezedent
Euver dat sjitterend Château St. Gerlach,waor de man mie es content
En die Ministersj, die dao nog vaergaderd hobbe, gluif mer dat waor ei gekakel
Houthem waor militaer gebied, helicoptersj in de loch, wat ei sjpektakel
Dan hobbe ze de Brassband dae iersj es fanfare al 130 jaor besjteit
Ig kin gein Brassband, dae 't 15 kielemaeter in den umtrek baeter deit
Dan de sjportvereiniginge, voetbal, me veural handbal, es me dao euver begint
Die zint met hun toernooi van honderde clubs, in gaans europa-bekint
Dan blif nog de sjotterie St. Martinus, hiel oud die ig neet vergaete waor
Wie zouw me de sjottersjvrun kinne vergaete,ein vereiniging van 410 jaor
't Waor neet de bedoeling dat ig in de historie van Houthem vreutele gaon
Dao hobbe ze eige luu veur,die dat lang en breid in beuk hebbe sjtaon
Dit is gewoon ein verhaeIke op reim, euver `t Goddelek plaetske aan de Geul
Ig haup dat 't mien laezersj kint bevalle, dat geuf mig dan wir ei good geveul!