Uw zoekacties: De mens en zien näösten, deel B. Pagina: 14

Woordenboeken van de Achterhoekse en Liemerse dialecten (WALD), 1984-2010 ( Erfgoedcentrum Achterhoek en Liemers )

beacon
1  records
 
 
WALD Woordenboeken van de Achterhoekse en Liemerse dialecten (WALD), 1984-2010
Erfgoedstuk
Pagina
De mens en zien näösten, deel B. Pagina: 14
Titel:
Woordenboek van de Achterhoekse en Liemerse dialecten (WALD)
Ondertitel:
De mens en zien näösten, deel B
Pagina:
14
Deel:
B
Jaar van uitgave:
2010
Auteur:
Schaars, A.H.G.
op-ehongen en veur den nendeure (de grote daeldeure) ’n schild woorop ston: “Hulde aan het Bruidspaar”. Ruu: Vrogger ston der buten meesttied alle- ne ’n baoge; de laatste derteg joor staot der ok wal dennetjes langs ’t pad in de tuin.
Zut: ’t Bruidspaar wördt met ’n smoesjen ’t huus uutgepraot en as ’t karwei kläör is, meugen ze weer terugkommen en wördt der samen ’n börreltjen gedronken. Aal: at den bogge steet met an beide kanten ’n paar dennekes met reuskes en slingers der in, dan vrög de buurte ’t anstaonde bruids- paar of ’t zo mooi genog is. Zee zekt natuur- lek altied dat ze ’t alderbastend mooi vindt, woornao de flesse veur de dag ehaald wordt; dan wordt alles nat-emaakt. Ok bi-j ’t afbrae- ken is der ne natten aovend. [naTmaKe(n); ok: Bor, gees, Kep, lat, Wesv]. Lar: ’t greun is meestal arg dreuge en door- umme mot der nao afloop van ’t mooimaken good edronken worden. Wesv: De baog wördt twee keer natgemaak: bi-j ’t zette en bi-j ’t weghale, ’n dag of wat later. Der wördt flink gepruuf want: hoe nat- ter de baog, hoe baeter de toekomst van ’t bruidspaar!
Vor: Soms hadden de jongeleu met ’t mooi- maken meer schik as op de brulfte zelf. Eib: Tonne wie trouwen –zon viefteg joor terugge– hadn miene breurs en zwaogers greun ehaald. ’s aovends wodn der in ’t café onze steule op-esierd; dat was lefebrieje! miene zwaogers –dee oet ’t Westen kwam- men– begreppen neet dat ze den helen ao- vend vriej konn drinken! en ’n dag nao de brulfte brokken ze de boel weer af en dat gink ok weer heel gemeudelek met ’n bor- reltje (op onze rekkening!). Bel: ’t Broedspaar zorgt gedeeltelek veur de consumpties; de rest wordt deur de buurte met mekare betaald. Wich: ’t mooimaken wördt deur de jonge- ren gezamelek betaald; ’t bruudspaar zörgt veur de neudege drank, de liekboer woor alle
270 02Hfst10a.indd 270 10/22/2010 2:17:31 Pm
veurbereidingen gebeurt, zörgt veur koffie. Hen: Ongeveer ’n wekke nao de brulfte wier ’t gruun weg-ehaald. Vrogger gebeurn dat meestal niet deur de buurte. Gees: mangs brekt de buurte den baogen weer of en mangs doot de leu dat zelf. meest- al gebuurt dat ’s anderdaags. Lar: as de buurte nao ’n paar dage alles weer afbrekt en de baoge an de veurdeure weer vothaalt, mot ze effen binnenkommen veur koffie en ’n laatste borrel. Ruu: De buurte dee vrogger met de brulfte wat ze tegenswoordeg de catering neumt. as dank doorveur was der dan de naobrulfte. [naOBRUlFT(e); ok: loch, Bor, gees, Zel, lat]. Bor: De naobrulfte was meestentieds ’s maondags.
Klimop en heide wodn vrogger völle ge- bruukt um te versieren; kiek doorveur in: De weerld-B, blz. 257/259.
De metwarkers geeft an dat der in de loop der joren nogal wat veranderd is:
Loch: nao den Tweeden Oorlog is der nogal wat veranderd. Doorveur wodn de brulften an huus egeven en noe gaot ze naor ’n café en dan regelt den cafébaas vake alles. Zut: Veur de Tweede Wereldoorlog werden feesjes altied in huus gehollen. Vanaf de vijf- teger jäören werd ’n zaaltjen gehuurd, wäör- bie dan alles verzörgd werd deur familie en/ of vrienden. Weer later liet ’t feestverken of bruidspaar alles aover an de cafébaas. Aal: ’t Verschil tussen feestvieren veur en nao de Tweede Weerldoorlog is groot. Dit hef veural te maken met de welvaart dee vrog- ger neet zo groot was. Op de buurtschappen wodn de feesten haost altied op de boerderi- je ehollene. Trouwen gebeuren ton in de mei- tied. De raeden doorvan is, dat de daele dan gebroekt kon wodn umdat de kone dan naor de weide wazzen. De daele was schone- emaakt en dan kon de naoberschop ’m ver- sieren. muziek was der neet völle, hoogstens
Voorbeeld : Klik op de tekst voor meer
Organisatie: Erfgoedcentrum Achterhoek en Liemers
laatste wijziging 22-02-2014
1 gedigitaliseerd