Voer eerst verclaerden sij comparanten gerepocert ende wederroepen te hebben, als zij doen mits desen alle alsodanige testamentaire dispositien, codicillen, giften ende maecken als zij met haer andere susters ende broeders t'samentlick met hun beyden ofte elcx bijsonder gemaect ende gepasseert mogen hebben, alle eselve houden voor nul ende van onwaeerden sulcx off die bij haer comparanten nyet gepasseert en waren. Ende opnieuws desponderende van hare tijdlicke goederen, verclaerden voor eerst d'een d'ander gegeven ende gemaect te hebben, gaven ende maecen mits desen d' ususfruct (vruchtgebuik) ende lijftocht in ende aen alle haere goederen roerende ende onroerende, heerlicke ende eygen sulcx, d'eerst van hun beyden overlijdende metter doodt ruymen ende achterlaten sal geene uytgesondert, omme alle eselve bij de langstlevende van hun beyden gebruyct ende genoten te worden in rechter lijfftochte ende naer lijfftochtenrechte haer leven lanck geduyrende. Ende onvermindert elselve lijfftochte verclaerenden sij comparanten gelegateert ende gemaect te hebben, legateerden ende maecten mits desen de 't samentlicke kinderen van Cornelisgen Evert Somersdr. die zij nu heeft ofte in echten huwelick namaels sal mogen vercrijgen de somme van 800 carolus guldens, alse uyt elcx hunner comparantens goederen, 400 guldens mits dat voornoemde Cornelisgen Somersdr. daeraen behouden sal haer lijfftocht haer leven lanck geduyrende. Ende dat bovengenoemde kinderen sonder geboorte stervende op malcanderen erven sullen, ende d'leste mede overlijdende sonder geboerte dat alsdan de voorschreven 800 gulden

wederom sullen gaen aende syde die vandaer gecomen sijn. Legateerden ende maecten noch de 't samentlicke kinderen jegenwoordig ende toecomende van Claesgen Evert Somers dochter de somme van 300 carolus guldens, also uyt elcx hunner comparanten goederen 150 gulden, des dat voornoemde Claesgen Evertsdochter daer aan sal behouden de lijfftochte haer leven lanck geduyrende. Dat oock de voornoemde kinderen malcanderen sullen erven ende alle stervende sonder geboorte nae te laten de voorschreven 300 gulden gaen sullen aen hun "Bou"(onleesbaar) , naeste vrunden in voegen hyerboven die kinderen van Cornelisgen Somers gedisponeert is. Legateerden noch zij comparanten aen de armen van St. Lysbets Gasthuys t' Amersfoort 100 gulden also uyt elcx hunner comparanten ieder 150 gulden, welverstaende dat die voorschreven legaten sullen cesseren indien daer inbreuck viant haer comparanten goederen infructueus gemaect souden mogen worden. Ende in alle hun comparanten verdere goederen van wat natuyre ofte conditie eselve soude mogen wesen, hebben zij geinstitueert tot hare universele erffgenamen Magdalena Evert Somersdr. huysvrouw van Johan Holt ende bij afflijvichheyt van haer, haere echte kinderen in haer plaetse. Verclaerende noch sij comparanten haer meninge ende uyterste wille te sijn dat Evert Somers haer comparanten broeder tot de lijfftochte sal hebben sijn leven lanck geduyrende vande 800 ende 300 guldens de kinderen van Cornelisgen ende Claesgen sijns dochters respectieve hyer vorens gelegateert al eer eselve sijne dochteren respectievelijck de lijfftochte vandien sullen mogen genieten.

Alle 't welcke zij comparanten verclaeerden te wesen heur testament leste en uyterste wille, willende en begerende dat alle 't selve nae heure overlijden sijn volcomen effect hebben ende sorteren zal, 't zij als testament, codicille giftemaeck onder de levende ofte uyt saecke des doodts ofte in andere forma nae rechte ende costuyme best mogende bestaen. Ende off alle solemniteyten nae rechte nadien nyet volcomen geobserveert en waren op alles de goedertieren rechte implorerende versoeckende hyer een ofte meer instrumenten in forma, 't welck haer vergonst is. Aldus gedaen ende gepasseert ten woenstede bij comparanten binnen Amersfoort, ten overstaen van Mr. Adriaen Mol, Evert Janszn kleermaker ende Jan Lieffertszn backer, alle borgers tot Amersfoort, dewelcke verclaerden de testateurs wel te kennen. T'oerconde gevende met approbatie van de marginale annotatien, insonderheyt de leste beginnende "welverstaende dat".