SINT GEERLING (HOUTHEM)
(In Sittards dialect.)
Sint Geerling, in dienen haole boum, zou 'ch dich eine krans wille brenge. Doe sjteis dao zoo sjtil wie in einen droum, woo mosje en spreeve zenge. Troe kiks doe euver de lenjer oet, doe braave, vertroede waaker, en zaengens de luu die langs dich gaon, hun vee, hun sjuure en taaker. Doe höbs et gout mit os gemeind, zoo deks veer get vraoge koume. Hobs daoveur waal eine krans verdeind, eine krans van kaorebloume. Eine gruine krans, eine bontje krans, van peimkes en balsaamiene. Sint Geerling, laot, zoo lang es doe kans, de zòn euver Limburg sjiene.

Gepubliceerd op http://limburgzingt.com
Tekst en muziek: onbekend

SINT GIeRLING (HOUTEM) (In Houthems dialect.) Sint Gierling in dienen haole boum, zou 'ch dich eine krans wille bringe. Doe sjteis dao zoa sjtil wie in einen droum, woa mosje en sjpriewe zinge. Troew kiks doe euver de akkersj oet, doe brave, vertroewde waker, en zaegens de luuj die langs dich gaon, hun vie, hun sjure en daker. Doe hobs ‘t good met os gemeind, zoa deks veer get vraoge kaome. Hobs daoveur waal eine krans verdeend, ‘ne krans van kaoreblomme. Eine greune krans, 'ne bonte krans, van paumetek en balsemiene. Sint Gierling, laot, zoa lang es doe kens de zon euver Limburg sjiene.

Umgezat in ‘t Houtems door Els Diederen.