Sint Martinus

Hoag gezete op zie peerd,
In glorie en in glans,
Wied oetgesjtrèkde mantel,
Sabel in zien rechterhand.
E veurbeeld wilt er oes geve,
E sjtuk sjtof, al ies 't min,
Dat me altied veur d'n erreme
Waal get miesse kin.
Houthem houw 'm in zien waope,
't Gemeintehoes ies van de kaart,
Mè onder in oos prachtige kèrk
Bleef zien beeltenis bewaard.
Bliej en dankbaar motte veer blieve
Veur 't sjtuk kuns dat dao nog hingk,
Dat me noe en altied
Sint Martinus dao nog vingk.
Wilt 'm eeder jaor herdinke
In e groat folkloristisch fiès
En dat alle noe nog dinke
Wat 'r veur Houthem ies gewèès.

Houthem, 11 november