begin van een aanhefformule spatie Hier nae leide die scoutheit voirs. sijn waerheit ende heeft wale becnecht (of: betuecht?) metten scepenen dat inder kerken gheboden was met rade der scepenen ende een(en)deels der goeder cnapen dat en ieghelyc binnen Helmont scutten mucht beesten die hi in sijn scade vonde (ghelyc den ghesworen scutter - doorgehaald) en die beesten den heer leveren voir der stat core ende voir sijn scade - voert soe heeft die scoutheit voirss. wale becnecht (of: betuecht?) met metten scepenen voirss. dat (Agnese Spaercoets - doorgehaald) in eenen openbaer waerheit hi inder kerken gheleet (?) was alsoe als recht is dat drie goede cnapen ofte vier eendrechtelyc tuechde aenden heilen dat si sagen dat Agnese voirss. een verken bracht drinnen (?) dat si seide dat si ghescut hadde ende in haer scade vonden ende woudt den heer leveren voir scoet ende voir haer scade ende sagen voert dat Kerstinen voirss. dat voirss. verken thuys wart dreeft ende hoerden voirt dat Agnese voirss. haer droech aen die vier goeder knapen dat Kerstinen voirss. haer hoer scoet neem ende hier mede ghemechde den scoutheit voirss. sijnre waerheit ende vraechde oft dair yement iet meer toe seggen woude - ende Kerstinen seide ..... ghemechde al .... hts, doen maende die scoutheit den scepenen nae allen dats voir hen comen were wats van recht sijn soude, ende des en sijn wij met (?) vroet ende comen hier tot ..... als tot onsen hoede, 1447/1470