153 Willem Henrici ende Jan Aertss scepen. Derick Gerit Ukenss ende This Gaertss beloven te betalen Alert Jan Alert 9 karolus gulden op baemis dach naestcomende.

154 Voer scepen Peter Janss ende Peter Lambertss. Tuijghen dat voer ons commen is eens willenneer Renge Ruttenss huijsvrau is gestaen ende gegaen sittende ende liggende soe hoer beest ende te moede was ende heft mit hoeren wrijen wil ende consent gegeven ende gemackt Rengen Ruttenss hoeren man een stuck lants in Kessel ter plaetssen geheiten joffer Hellijghen hoef ende het bed dat sij bij Rengen brocht heft enen elck kijnt een tenne schotel sijnen wrijen wille mede te doen; utgenomen is dat Rengen dit voers stuck lants vercoept dat hij schuldich sal sijn de kijnderen die hij bij Eens verweckt heeft sijn huijsvrau gewest is toe beleggen 20 karolus gulden aen rent of aen pacht eens van dieen voers stuck lants in tegenwoerdicheit des hellijghen sacrament ende in presentie van bij wesen heer Goert Mathijss cappellaen ende Hanrick Ghijben als coster ende voer ons scepen voers.

155 [los briefje] Copie. Wij Lambert Gijsbertss, Peter Janssoen, Dirck Delis Colven soen, Jan van Zambeck, Peeter Colven Arntsoen, Jan Dircx sone ende Ot van Homen Aerntssoen, scepen in Lith, tuijgen dat voir ons quam Goessen die Smit Goessens sone ende heefft opgedragen Aernt Colve Jans soen ende mede tot behoeff sijnen bruederen die daer toe gerecht mogen wesen, een kemken 13 hont off daer ontrent hauwende op beemden gelegen, belendingen: Aernt van Hees Goertsz; die aut stege; Alaert Theijen erfgenamen; Ceel Colven erfgenamen.