Gesina Hermina Volkers (Geziene / Siena) wenne fan 1966 ôf yn Boazum, hûs De Wylgen. Hat troud west mei Waling Jansz. Dijkstra, pakesizzer fan Waling-om. Yn Ljouwert pear kear mei west nei Jongfryske beweging. Guon aspekten fan de JFM fûn Volkers belachlik, as in oerflakkich rollespul. Te sweverich en dweperich en wiis, te min selskrityk, oardielt se oer de Jongfriezen. Harren oersetting fan Kloos ('Ik skriem om blommen yn de knop tobritsen', Sybesma?) fûnen se better as it orizjineel, dêr lake Volkers om. Wat wie it doel yn de praktyk? 'Efter Douwe Kalma oanrinne', neffens Volkers. Froulju wiene mâl mei Kalma, 'mar dy man wie homofyl, dat koe neat wurde'. Der wiene ek wûnderlike froulju by. Volkers koe Kalma fan skoalle yn Snits, hy moast earst neat fan it Frysk hawwe en prate 'Hooghaarlemmerdijks'. Mar foar in ploech minsken wie it Frysk in mooglikheid om har te ûnderskieden. Literêre fernijing ûnder ynfloed fan de Tachtigers. Fryske literatuer: Volkers hie it mier oan streekromans. Wie entûsjast oer Smearlappen fan Anne Wadman, en oer Leafdedea (1963) fan Homme Eernstma. Frysk eigene: net allinne de taal, ek de romte, de natuer. Ynfloed beatgroepen en kafetaria's: gefaar foar it Frysk eigene, of se moatte der wat eigens út helje. Biedwurd JFM 'Fryslân en de wrâld' betsjutte: Fryslân belangryk meitsje. Mar Kalma en de oaren grypten fierste heech, seit Volkers. Lêzen, ynfloed: Volkers neamt Metabletica, fan prof. Jan Hendrik van den Berg, gie in wrâld iepen. Libbensskôging: noed stean foar de oar, net de tsjerke, mar de lear fan it kristendom. Tsjinstanner fan kapitalisme mar gjin foarstanner fan kommunisme. Oardiel oer JFM per saldo wol posityf, se ha wol ynfloed hân, in stikje fernijing.