CV de Boschrave oet Houthem höbbe dit jaor wir ins gèt andersj oet de hoage hood getouverd es wie 'ne sjtandaard-prins. Bie de prinse-oetroping
kaome prinses Germaine en Hofdame Nikita onder de maskersj oet.
Prinses Germaine is gebore op 15 januari 1966 in Mestreech, en zuut dit carnevalsjaor Sarah. Ze haet twiè dochters: Hofdame Nikita en dochter
Danique. Prinses Germaine is eigelek geine Boschraaf meh 'n Drommedaris. Ze is noe omtrent 2,5 jaar hartsjtikke verleef o haöre groate knoevelbaer Ton [Selten].
Wie prinses Germaine drie jaor waor heel ze "n biezunder leefhöbberie d'r op nao. Ze waor hièi good in t klauwe van andermans loetsje. Es zie 'n kinneke zoog met 'n loetsj woord die vakkundig aafgenomme en bie zichzelf in de mond geduujd. Prinses Germaine is al hièl vreug besjmèt met 't vastelaoves-virus. Wie ze vief jaor waor sjtong ze al te danse op de tafele op de meziek van 't Sjeng Kraforkès.
Nao versjeije umzjwervinge is zie in 2011 in Houthem geland. 't Houthems dialek is nog te lèstig veur hâör, aangezeen Mestreech haör in 't blood bliefzitte.

Es ze sjpriek dan trèk ze 't nogal ins gèt te langk. 't Is mèr te hope, dat ze 't Vallekebergs dialek van 't Maske leze kint.
Hofdame Nikita is 28 jaor, getrouwd met Chris Hollendersj en mam van Jules.
Nikita waor vreuger hièl erg good in 't naodoon van Sjnièwitsje.
Sjpegelkesjpegelke aan de wand Nikita is 't sjoanste kind van 't gans land. Door zien unieke haarkleur klop diet nog ummer.
Toen Nikita voor de eerste keer op stap ging durfde zij niet de disco in te gaan, als ze nou op stap gaat heeft ze daar geen problemen meer mee.
Hofdame Nikita hoopt dat zie mèt de vastelaovend neet krank is. Edere kier es prinses Germaine wilt rouke mot hèt met hâör mèt, en neet euveral höbbe ze binne 'n roukkamer.
Prinses Germaine en Hofdame Nikita goon dit jaor same met de Boschrave en Boschraefkes veurop in de Houthemse polonaes. Alaaf.