Op inisjatyf fan de bestjoeren fan de Ried fan de Fryske Beweging en de Freonen fan Omrop Fryslân is in kommisje Fryske Reklamepriis ynsteld. Oanlieding wienen de Hollânsktalige reklameboadskippen op de Frysktalige Omrop Fryslân. De priisútrikking waard earst allinne foar radio-kommersjals organisearre, mar letter ek foar dy uteringen op tillevyzje.
Wie de priisritrikking ynearsten om itiier, nei 2002 jierliks. Mei-inoar is yn de perioade 1992-2012 de Fryske Reklamepriis yn dizze foarm 15 kear útrikt.

De relatyf selsstannige kommisje bestie út fertsjintwurdigers fan de boppeneamde organisaasjes oanfolle mei minsken út de wrâld fan de media (Omrop Fryslân, Waterstad) en bygelyks it bedriuwslibben (bankwêzen).

De kommisje Fryske Reklamepriis wie ferantwurdlik foar de organisaasje fan de priisútrikking. Ynkomsten waarden helle troch de bydragen fan de belutsen organisaasjes, subsydzje fan de provinsje Fryslân en sponsering.

Foar in ûnôfhinklik oardiel oer de kwaliteit fan de ynbrochte reklameboadskippen waard in sjuerykommisje ynsteld besteande út minsken út de reklamewrâld en saakkundigen op it mêd fan it Frysk. Hoewol't der wolris praat waard de Fryske Reklamepriis ek iepen te stellen foar Hollânsktalige reklame-uteringen is dat konsekwint wegere, omdat it doel fan de aktiviteiten net wie om reklame op radio en tilleryzzje te stimulearjen, mar om it yn Fryslân yn it Frysk te dwaan. Gjin Friese Reklameprijs, mar in Fryske Reklamepriis ynklusyf de Fryske streektalen.
Besocht is wol om net allinne ether-reklame (lokale omroppen ensth.) , mar ek de reklame-uteringen yn de blêden as Ljouwerter en it Deiblêd der by te belûken, mar dat is net slagge.

Nei de útrikking fan 2012 ferlit Tom Dykstra nei 20 jier de kommisje. Hy hat yn de Kommisje Fryske Reklamepriis ferskillende bestjoersfunksjes útoefene en wie koördinator, sekretaris, ponghâlder en foarsitter. Hoewol’t der plannen binne om it tenei oars (effektiver) te dwaan falt de besteande organisaasje útinoar. Yn2015 organisearret it bestjoer fan de Ried fun de Fryske beweging in 16e priisútrikking by Omrop Fryslân. Mei it each op ynset fan minsken en de kosten wurdt in folgjende ótrikking útsteld en sil mooglik yn 2018 syn beslach krije kinne.