01 Wij Egbert Jacobsz. Elbert Volcxz. ende Jan Heynricxz. burgemeesteren nu tertijt der Stede van Naerden Oirconden
02 ende kennen dat wij geaccordeert gescheyden ende vereenicht hebben alle alsulcke questie ende geschille als die
03 van Hilversum ende die van Anckeveen tegens malcander uuytstaende hadden dat sij partyen stadelicken aen
04 ons hebben gebleven, ende wij hebben hem gescheyden In dese naebescreven poincten ende articulen Item ten
05 eersten dat die van Anckeveen dicht sullen houden In rake ende dake als hoir moelen maelt ende anders
06 nijet die kan gelegen teijden Hilffersommer weijde streckende vande Anckeveense moelen off aende meer toe
07 bij verbuerte van drie pont, des sullen sij eens gewairscuwet wesen, ende sullen sij die kan moegen malen
08 ende onderhouden vanden Hilffersommer weyde die naiste aerde die best, Item soe wie die kan van
09 bijnnen duersteckt ende dairop becuert worde die verbuerde drie pont Item die van Anckeveen sullen
10 eens maken een dam voirde moelen inde Goijsche sloot ende inde dam sullen sij leggen een sijll dair die
11 van Hilffersom toegeven sullen vier plancken, ende als die selve dam ende seijl eens bij die van Anckeveen
12 well Is gemaact soe sullen die van Hilffersom die voorts ten ewigen daghen In rake en dake houden
13 Item die burgemeesters mit twee scepenen van Naerden In elcker tijt sullen hier van becuerders sijn
14 ende voir hoir portie van dese kueren hebben In twedeelf ende die Aenbrenger tderdendeelf Des te
15 Oirkonde hebben wij burgemeesteren bij namen boven genoempt der voirscreven stede segels ten saicken
16 hier boven [hier] uuytgehangen Gegeven den xxviijen decembris Int Jaer ons heeren xvc Acht ende der[tich] ?? ??